البارحه
اسمعت صوتو البارحه
ياناس
ويا طرت بجناح يمامه
ملوَّنه
مَدري كنّار. معطَّر
الأنفاس
مَدري نغمه و عالوتر
مدوزنه
من دفا الهمسات انتلا
هالكاس
وع كلّ همسه الدَقَّه
تنحني
ويسجد القلب من لوعة
الإحساس
وب كلّ سجده غيب ب
هالدّني
واصحى ع ضحكه برنّة
الإلماس
وقلّو ياسيدي بهمسك
خَدّتِني
لسكرات الجوى بخمرة
النوّاس
رجَّعني الهوى مادري كم
سنه
اسألتو بتجي ت إصرف
الحرّاس؟
وشعلّك صاييعي شمع و
إعتني
بجمالك واعملَّك الورد
مَدَاس
وتضمك الياسمينه وإختا
السوسنه
وتَ ازرعو ل حبك بخمرة
الكاس
ولعيونك السكران يحلا
الغني
وع سراج مخلّص الزيت و
وناس
اسكر وتنساني بحضنك
الدني
و نعرف وقتها ها العمر
بينقاس
بدقة قلب وب ساعة
ولْدَنه
ولوَحدو الباب انفتح يا
ناس
تاريه عم يحكي وع بابي
منحني😊
أميره
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.