بقلم / سعيد عرفه
دموع الشوق بتندهالي
وبتقول لى أعود تاني
ألملم جرحي وأغني
وفى عز الفرح ينساني
بتبعتلي أكيد ريداك
وبتكتب لي على ورقي
وبتقول لي أنا بهواك
رسايل حب مطوية
مع الأشواق
أمسكها وأفتحها
ألاقي جوه طياتها
جفا وأشواك
جروح العمر تمنعني
وود القلب بضلوعي
بينزف حب وآسية
ومهما سمحت وأغفر لك
مش ممكن ألاقي دواك
ده غدرك لى فى الماضي
وقسوة على قلبي الراضي
وكسرة روحي قدامك
وعزة نفسي تمنعني
أقول أهواك .
نسيت اللى كان بينا
عهدتك وأمنتك
وفى عز فرحتى فى حضنك
غرست طعنتك فيا
زرعت فى قلبي ميت طعنة
ورويت الحب بمدية
أقول أهواك.... !!!
مش فاكر عيون الود
والورد اللي كان على الخد
والأيد اللي تشتاق تلف القد
دلوقتي بترجع لى ومن تاني
بتطلب مني حنيه
زمان الحب ده ولى
وأصبح شجرتة يابسة
مهوش لعبة بتلعبها
وترجع تاني وتسبها
ولما الشوق بيندهلك
تقول غلطة ....
وندمانه وسامحني
ومن تاني نعيد صفحة
وننسى الماضى وآلامه
ما أنا قلبى ماهوش مراجيح
وبيطير كبساط الريح
أنا قلبى كتير عانى
ومش ممكن يعود تاني
كالريشة فى وش الريح
خلاص أنسي ...
وكفاية تجريح .
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.