أشرب كاسنا وكاسك اسقينا
شو بدنا بالهوية العنصريي
اعطينا قلبك الطيب اعطينا
إذا عيب نكون محمديي
يقيموا الناس دعوا عا نبينا
وإذا كنا الورود المريميي
نحنا يا حبيبي ما خطينا
أنا وياك من بيّك وبيي
لما عالدني طفلين جينا
لا وصّينا على نوع الهويي
ولا عالطايفة المعها مشينا
نحنا مسيّرين بصدق نيي
متل ما جابنا الله بقينا
ببحر الكون عم نسبح سويي
وضروري نلتقي عافرد مينا
استحي من سمعتك يا طائفيي
حاجي تكبري وتصغرينا
بدنا يسألونا بصدق نيي
نقلن سوريا دينّا ونبينا
ضيعانك يا بلادي يا ضحيي
احترقتي وحاج دخلك تحرقينا
ياأما خلصينا من الخطيي
ياأما بفرد مرا ....خلصينا
تعي لنرجع العيشي الهنيي
تعي تنعلمك وتعلمينا
وبأرض الكلها فيي وميي
اتركينا نعيش يومين اتركينا
وقولي للسياسة العالميي
بكفينا بكينا تا عمينا
وإذامابدهن ينهوا القضيي
انشالله ربنا يقيم القيامي
وبسرعا تنتهي يا كون فينا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.