أنا اللی كان ما بينی وبينك
حب وود ومحبة وغرام
وانا اللی دلوقتی بقول
أنا فين وأنت فينك
وليه فرقت مبينا الأيام
ازای تتعاش الحياة من غيرك
وازای تحرمنی الحياة من حنينك
ده والله الفراق مر و حرام
ومع كل مرة كنت تغيب
كنت بقول هيجی قريب
وكانت منايا ياحبيبی بتحقق
وكنت سابقنی انت وبتسبق
وبتخلينا مع بعض نصدق ونكمل الأحلام
لكن طال بعدك المرادی
وضاق بيا صبری الليالی
ولا أخبار عنك بتجيلی
ولا الدمع ساب عينی
وكل شوق بيبان فی عينی
وقلبی بينزف بكی وألام
وبخاف عليك ياحبيبی
ده في الفراق سالت احزانی
وفي الفراق بتتمحی احلامی
لكن فراقنا يا حبيبی
لا عمره كان بإيدك
ولا عمره كان بإيدی
ليه القدر شايف كده
وامره غالب ان نكون
مش لبعضنا
وليه القدر شال منی القمر
وليه سايبني في دموعی طول السهر
وليه دبلت أوراق الشجر
ده مش بإيدنا يا حبيبي
دي والله إراده القدر
كانت ليالي حلوة
مليناها شوق ومحبة
ولا عمرنا فكرنا في يوم
ان القدر يفرقنا
ونقول ليه يا فراق بتدوم
وليه مش رايد تجمعنا
الحياة بإيدنا نغيرها
ونعدل بحبنا مسارها
ونعيش حبايب فيها
نهارها احنا ولياليها
ولا نقيد أبدا نارها
لأحمد محسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.