شعر غنائى: ايدك فى ايدى
محسن النجار
ايدك فى ايدى. ياحبيبى ودنيتى
ياحلم طاير فى حياتى وكل خطوة فى سكتى
ايدك في ايدى ياحبيبى فى كلمتين
ياحلم عمرى يلا نمسح دمعتين
ياساكنة قلبى من زمان
..ياحلم عمرى فى الهوى
ياقلب مخلوق م. الحنان
...امتى ياعمرى نكون سوا
والله ماتبكى ياوردة نبته .م القمر
كل الجروح. بكره تروح. ..والفرحة تضوى .ع الشجر
كتير عليا. انى اشوف فى يوم عيونك.تشتكى
يقطع .ف قلبى. يانور حياتى .تنزل دموعك فى البكى
ياساكنة قلبى من زمان
.. ياحلم عمرى فى الهوى
ياقلب مخلوق. م الحنان
....امتى ياعمرى نكون سوى
يارقه شايلة من زمان .حب وحنان كل البشر
طيبة عيونك معجزة. بيها يلين قلب الحجر
انا قلبى راح وياك هناك. .يضوى فى ليلك . الشموع
يمسح أسى. حزن وشجن. وكتير مواجع والدموع
ياساكنة قلبى من زمان
.....ياحلم عمرى فى الهوى
ياقلب مخلوق. م الحنان
............امتى ياعمرى نكون سوا
يازهرة نادية. شوك الحياة. ماله ضمير
وانتى ياعمرى ياطيبة صافية .قلبك حرير
يوماتى أحلم باللى جاى. ....اشوف عنيكى تبتسم
تنسى اللى فات وتقولى هات شوقك معاك. يادى الخبر
ياساكنة قلبى من زمان زمان
........ياحلم عمرى فى الهوى
ياقلب مخلوق. م الحنان
..........امتى ياعمرى نكون سوا
شوقى لقلبك.شدنى .ياحلم عمرى والسنين
اصحى. واعزف غنوتى.شوقى لقلبك والحنين
حنام وأقوم انده عليكى .واشوف فى حضنك القمر
قلبى الصغير فرحته .يشوف نصيبك يتجبر
ياساكنة قلبى من زمان .ياحلم عمرى فى الهوى
ياقلب مخلوق م. الحنان. امتى ياعمرى نكون سوا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.