آه يابنتي
قربت هالبنوته
وشوشتني
و همست بأنفاسا همس
بابا حبيبي
بحبك ياروحي
انت كل العمر
دمعه على خدي سرحت
مدت ايدها بلهفه حنونه
مسحت هالدمعات
آخ ياببي لو تعرفي هالدمعات
سخيت و هطل متل المطر شلاااااال
خايف يابيي يجيني الأجل
و أنسى أنك بعدك صغيري
عالزعل و الفراق
و بعدو غصنك طري
متل فرع هالشجره
بربيعها بلشت تلوح خدودها
بعدك يابنتي روحك نديه
مامرت عليكي ساعة من الألم
و الجووووووووع
آآآخ يابنتي
ياما طوينا بطونا بلقمة خبز
ومسحة من الزيتات
رفرفي بجناحك و تعالي
اتكي على رجلي
و غمضي عينيكي
بعدك ياقلبي معلقة بحلم
و لعبة الأطفال
مضرب و ريشة
و روحي و تعي
و طيري هالشعرات
و ابن جارنا يتفرج
وقلبو معلق بهالخصلات
بعرف شعورو
بس مافيي يابيي إلا غار
أنتي يابيي بعدك معلقه
أصبعك بالجيبه و بالزنار
و نرجع من عشية
نغسل ايدينا
و نمشط الشعرات
وحطلك عطر
و شمشمك بلهفة
وعشق
بغار عليكي يابيي
و بخاف
من روحتك عالمدرسة
و مع كل خطوة برافقك
برافقك و بقول
يارب إحميها بحماك
و ابعتلها جبر بخاطري
هيي الحنوني
و هي وطني
و كلشي بدنيتي
ساجد لوجهك يامولانا
تحميها بجاه الواحد الستار
مخلص الحرك
سورية
23/10/2020
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.