زهرة قلبنا 💔
شعر/ سعيد عرفه
الصمت يحيا فى القلوب
والحب غفران للعيوب
والكمال فى الحب دوب
دوب روحى مع المحبوب
نفس الطريق كان وعدنا
نبعد ونرجع وحدنا
أسمع كلام قولناه لبعضنا
تشهد عليه جدران حيّنا
هنا عشنا أحلى الذكريات
ورسمنا حلم الأمنيات
كتبنا بمداد الغرام
ملامح حبنا
ليه الفراق والعذاب
ليه بعنا زهره قلبنا
العناد كان فى النهاية السبب
الغرور فى القلب معوال للهدد
بأنظر لفوق يمكن ألقاك هناك
يمكن ألقى الذكريات تشهد لنا
فوق شبابيك الهوى حبه تراب
كان القمر ينظر يطل بفرحنا
مريت فى طريقى
يمكن يكون نفس الطريق
أو يمكن ألقى حبيب
يصبح رفيق
يمكن ألاقي صديق
يمشب معي فى وقت ضيق
حفر الزمن قسوتك
جوه القلوب
سهم الوداد اللي أترسم
على الحيطان مكانه طوب
عش العصفور على الجسور
راح وأتبني مكانه سور
كان حلمنا
عش يجمع ما بينا
ضاع وأصبح كالرياح
جوه البحور
والحب ساكن فى الصدور
الصدر واسع كالغدير
القلب عمقه عمق بير
يروي المحبه بالذكريات
يروي ويحكي فى حكايات
عن وعدنا عن حب فات
يمكن يعيد الليالي والساعات
حلم يضمد فى حبنا كل الآهات
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.