شعر محكي
غفلة قدر
مرق العمر بطفرة شعر
كبكوبة صوف وخيطان
ودراج ملياني سحر
ودراج ألوان لوان
مع كل لون
مسافرة حكاية عمر
معربشة ع حدود البال
وشي قصص مخبايي
وتذكار ورا تذكار
مرق العمر بغفلة قدر
الزغار صاروا كبار
شو ناطرون بكرا
وشو مخبي أسرار
يمكن نسيم المحبة
ويمكن لهيب الشوق
ويمكن دموع الهجر
تكوي بلهيب النار
عطفك علينا يا قدر
شو مخبي أسرار
اسرق ليالي السمر
من جعبة الاقدار
ربى جرجس دويب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.