الوصية /الاستاذ خضر الاحمد

(الوصيه)
الشمس غربت يابني 
  وبالعمر ظل ساعات
شايف ياابني العزم
 قبل الصبح موات
ياابني اسمع وصيتي
 واذكر زماني الفات
واذكر زمان الحملتك
عكتوفي والراحات
ربيتك لحب الوطن
عالنخوه والشيمات
لا تزعل انجار الزمن
 واصبر على الشدات
اتذكر ياابني الوطن
 وايامه الحلوات
العسر مره يجي
 واليسر له صولات
اوصيك يابني بالوطن
 لاتوفر الهمات
حب الوطن غيره وحميه
  وخلك صقر شلوات
الوطن هوالكرامه
 والعزوه والشومات
سور الوطن مثل الجسد
  حاميه من الطعنات
الوطن مثل العرض
واثنين متساويات
ولو ينثلم يبني الوطن
  ماتنفع العطوات
هيهات  ماينفع ندم
  واللوم والحسرات
قطرات دمك ياابني
 من الوطن هالقطرات
اوصيك حب الوطن
  وفوق حب الذات
خليك رهن الوطن
  رداد للحملات
صنديد يابني ذخرتك
  للوطن باللقوات
خلي جبين الوطن
  يطاول النجمات
ولله احني هامتك
 ياوليدي مو للات
شماغبت يابني تردك
  لارض الوطن خطوات
ولو متت يبني يضمك
تراب الوطن جنات..
الشاعر
خضر الاحمد