بعيد انت /الاستاذ خضر الاحمد

(بعيد انت)
بعيد انت وهجرك ليش مرمرني
تعال وشوف كيف البعد دمرني
شاب الراس اعيش بغربه بين الناس
وسوى الاحساس ظل والاه تحرقني
اريدك ترحم قليبي وهذا هو مطلوبي
وغيرك منهو يرحمني
وحيده امسيت بومه ابيت
على الغالي شماونيت
كل الناس تلعني
اطرد عني الساعه اقلها روحي الوداعه
اقول يايوم كفاني هموم
خلص زول وتعال انت يابكره
يجي بكره حامل صوره وذكرى
افتش بيها منتظره
اقوم الملم افكاري
تضايقني فساتيني
تجبرني افكفك زراراي
اريح جسمي واتريح
افتش ذكرتك يازين
الاقي هجرتك مره
اخبط عالحياطين انثر شعري بدوره
اخزق مابقى عندي حتى الذكرى والصوره
وحت روحي احس انها تلاويني
اشييل السيف اهددها
انتي لشوقي منذوره
تون  تبكي تتحسر لهذا الشوق تفديني
انا منك واصبر بيك وانتي بنار تكويني
تدمدم باذني بكلمات تسحبني تشاورني
تقول اليوم قضى مايدوم ويجي بكره
وبعد بكره يهب الشوق بنسيم الحب
نشمها وتسكن العبره
وتطفي النار بالمره وعلى شرط ابس نظره
تموت الونه والحسره؟؟؟؟؟؟..
خضر الاحمد