شعر محكي /الاستاذ ناصر الوسوف

شعر محكي
نطرتا والله عالنبعه
والعالم كلا مجتمعه
تايشوفو وردة الحي
يلي تشاور  بصبعا
تنزل الشمس وتصير فَيّ
وهيي مضوايه الجمعه
لما وصلت هالشمعه
وقفت كل قلوب الناس
وعيونن لعيونا فزعه
ابتسمت وصاحت يافلان
ماصدقت. بهالسمعه
داني عم تسمعني
صوت الحلوه هالشمعه
كرجت خطوه لقدام
وكرجتين بالولعه
طار العقل ورايح جن
وقلبي وقف بالفرحه
هزيت براسي ونطيت
تا اصحا ولا بالبيت
يضربني بيي بالعود
ويقلي يلا فيق وقوم
تاتسقي وردات الدار
وكل الشجرات الصغار
وهيك ارجعنا للتعتير
وراحت أحلام وتفكير
يلعن بيك يالفقير
يوم تصيب ويوم تخيب
والباقي ليوم الجمعه

       بقلمي ناصروسوف