يابيت ستي الك حنيت
يا محلى القعدة بين شجراتك
وعند الوردات تذكرت
ستي والخضة لما كنت صظيرة
احضن الخضة بدياي
وتتعب من الخض وقول آخ ايدي
وانسى الوجع لما آكل الزبدة من ايدك ياستي
واشرب طاسة شنيني
ياريت ترجع هاكي الأيام ياريت
عصافير وفراشات الحقل تحوم حواليي
وينك يا ستي وينك يا جدي
وغنمات من المرعى تعود
وتزور هاد البيت
نحلبها وبحليبا تجود
عنار الحطب يغلي ويفور
عالحقل لما نروح
نقطف العنب و التين
والخالية ملياني دبس وزبيب
والنول مليان حنطة وطحين
واليوم لما شوف هالييت
لاصور لامواعين لاطواحين
بدي شي يذكرني بهل بيت
مالقيت غير حجار زعلاني
وشبابيك تعباني
نهدحيلا من البكي والنحيب
عا حباب طالت غربتن عن هالبيت
أيمت ترجعوا ياخلاني
يانار بدمي شعلاني
لما صورة بيت النحلات تترآى بخيالي
كيف جدي يشمر عن زنوده
يقطف الشهد والعسل
ويعبيلنا الكاسات
نشرب العسل صاف
ياريت ترجع هاك الأيام
ولوساعة شوف فيها حالي
عند المغارة والتبنات والروزنه وبنات خالي
بقلمي انتصار شهاب فطوم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.