عند. ما....تفيقي
طلّي ع المرايه!
وجهك متل آيه
فيه. البسمله
وأحكام تجويد.....وعزف نايي
(إظهار) الحسن...بعد السكون
ياخد سحر العيون
من بين.......كاف ونون
و(إقلاب).......ع سطح الخد
بوّاب......رفع رايه
وهج شمسك سطع كونو
وازدها.... لونو
شق الدجى وارتد
و(إخفاء.) عقب إظهار
من حسد حسّاد
معقود........على الأنوار
تقلو أنا....جايه
(الإدغام)....موناقص
يسطي....بشغف كامل
باللام.....بعد الراء
يمكن غفي....أو ناء
وأنفاس أجت هوجاء
تقول توصاية
و(القلقلة )كبرى
من ظهرت الخثرة
ع شفاف تحلايه
لو اجت صغرى
بصفحة عمر بدرة
بتكون الحكايه
حاكيت المرايه!!!!!
وشعراتي تتدلّى
قالتلي. بنت النور
في غباشه....على البلور
صحت. الخفي ولّى
وقلت الندي بلّا
ضحكتلا المراية
قالتلا......ماحلّا
هون تمك....اجاني وباس
طلة متل مقياس
وزفرتي. هالبخور
مابقى مستور.
حتى الندي قلا
كسرتي. جنح عصفور
وقع وبكي....وصلّى
ياريت المراية
ماتنكسر وتزور
خدودك.....ع جنح الطور
يبقى الغفي مبهور
وتتم.......هلآية
مكتوبة ع مرايه
فؤاد علي حبيب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.