لانصب شي كوخ زغير ماتشوفو البشر
ولاخربش بطاقه من طواقي القمر
وصورتك تغفى معي وتوعى معي
وزوزق من الأحلام مجموعة صور
وأسهر عاحلم بعيد ماشافو حدا
ولا الزهر شافو بموسم قطاف الندى
وسر من عيني لعينكي يطير
يوشوش جفونك كلمتين على الهدا
وجمع فراش الورد وإفرشلك سرير
لاالخز لاالديباج متلو ولاالحرير
مكور بوبر صنوبره صارت عجوز
وتمرجحو النسمه متل زورق عبير
ورغوة الشلال بزهور الربيع
حبا عاإيديكي وغسل هألصبيع
وفصل جعود الليل عاكتافك قميص
وبين الوهم والواقع نضيع
وطعج لخصرك شريطه من الحقول
من كل زهره أول طلوعا بتول
وتخجل وتبلع بريقها وتستحي
من خصرك الزغرور هالبعدو خجول
مع قلم هيام داوود
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.