سوق العبيد قالوا اتنصب
تعالى شوف
سوق العبيد فيه العجب
هتشوف رجال من غير عقول
تحسبها فى الزفه عجول
كذاب كبير ..حرفه مرير
بس الحمير شايفاه كبير
ولا عمره يملك قلب طير
سوق العبيد فيه العجب
يلا نشوف
شايف خروف
حوليه نعاج شايله الدفوف
وف كل شهقه يقولوا اه
أحلى خروف
كله إناث ..قلبى ياناس
ايه الأساس متعرفونا ياخلق هوه
ياللى هناك شوف العجب
خروف كبيير
مختال بنفسه ونعجتين
محتال على قلوب البشر
رايح وجاى يطلب حنيين
سوق العبيد .
فى خلقته..كله بشر
أما الطباع ...فيها العجب
فيه حمير. وفيه بعير
وفيه خروف عايز يطير
وفيه معيز ..مايصه تقول
اوك. بليز.
و بقرة بترقص هز وسط
آخر دلع .وتقول مدير
تسرق فلوس
تكسب تيوس
تشرى الذمم
ثعبان خطير
والبومه واقفه تقول نشيد
وجعت قلوبنا اكيد اكيد
ماهى وكسة بزفتين
سوق العبيد حاله كده
شكل البشر والعقل طين
ادعوا الإله يلطف بنا
دا الخيبة مرة .يامؤمنيين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.