?
بحبك أنا
....................................
بحبك أنا والحب رح بيضل
متل الفجر والنور لما يطل
ومتل شي نسمة شاردة بهالليل
ومحملة بعطر الحبق والفل
.........................
بحبك متل لورود بالبستان
بتعطي الحلا وبأجمل الألوان
ومتل شي سهرة بحقلة الزنبق
والعود يسكب أجمل الألحان
..........................
بحبك أنا والحب خلاني
أكتب قصايد شعر وغناني
وأصدح متل عصفور عالأغصان
تا يصحي بعض ورود نعساني
............................
بحبك أنا والحب سهرني
بضو القمر لبعيد سفرني
خدني بعتم الليل فوق سهيل
ومتل الشمع ما يدوب دوبني
..............................................
د . ملك محمود الأصفر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.